Temas

VIA ALFOZ RECRIMINA QUE SE QUEIRA FACER POLÍTICA CO REPARTO DE MÁSCARAS

29/04/2020 · Covid-19

Nas últimas datas, moitos foron os anuncios de diferentes administracións respecto ao reparto de máscaras entre a poboación. Desde Via Alfoz consideramos que “non se debera facer política co reparto de máscaras” reprobando o afán propagandístico que existe desde as diferentes administracións e indicando que “sería despreciable que se pensase mais nos réditos políticos que na saúde das persoas” e nese sentido tendemos a man a apoiar e colaborar con calquera iniciativa “veña de onde veña”.

Respecto ao reparto de máscaras que se realizará en Alfoz entre empresas e autónomos, consideramos que a medida se debería estender a toda a poboación en xeral, polo que esperamos que se volvan a convocar sesións plenarias nas que poder levar a iniciativa. Desde a Dirección Executiva de Via consideramos que “algúns colectivos e industrias xa recibiron máscaras por outros medios, mentres que o resto da poboación apenas ten acceso a elas pola falta de subministro nas farmacias”. Co reparto de máscaras a toda a poboación tamén queremos evitar que “se caia na tentación de repartilas de xeito discrecional”.

Desde Via Alfoz agradecemos, por outra parte, o honorable traballo, “na sombra e sen propaganda”, de varios voluntarios e voluntarias alfocenses que levan a cabo varias iniciativas solidarias fabricando máscaras e pantallas para diferentes colectivos.

 

¡Compártelo!

Buscamos unha boa comunicación

Se queredes contribuir con algún contido novo, ampliar os que hai ou obter máis información sobre algunha publicación, non dubidedes en contactar con nós.